「嘩，好震撼，呢啲就係時裝界嘅政治，喺大企業經常會發生嘅，不過TomFord的確為Gucci同YSL呢兩個品牌帶出好強大嘅化學作用，令兩個本來衰退緊嘅品牌翻生，走向潮流之先。我認為TomFord如果自立門戶嘅話，可能成就冇咁大……我一直有捧佢場。」
「嘩，好愕然呀，我覺得好可惜，TomFord真係為Gucci同YSL做出一番好好嘅成績出嚟，我都係呢兩個牌子嘅擁躉，因為啲衫嘅剪裁着得人好高好瘦。我係一個跟設計師唔跟牌子嘅人，我好希望TomFord可以快啲自立門戶，到時又可以捧佢場。」
「我唔係盲目捧設計師或者牌子嘅人，但係TomFord喺Gucci嘅貢獻的確係功不可沒，佢嘅創意同生意頭腦都好強，計算得好準確，不過近兩年似乎冇突破，可能就係呢個原因令佢請辭㗎啦，我都會好好珍藏我自己擁有嘅Gucci產品。」
本報記者
