響今屆東京車展上，日本鈴木車廠除展出全新Landbreeze及S-Ride概念車外，同場亦展出咗全新Concept-S2概念跑車，並惹來全場車迷注視呢！
呢款可化身成開篷跑車嘅Concept-S2，可算係廠方近年嘅佳作，不但造型設計好有跑車風味之餘；就連車廂布局亦見有CyberFeel，加上闊落空間配搭，乘坐舒適度十足。不過相信最吸引嘅，會係佢嗰個玻璃硬摺頂配搭，除開關需時甚短兼方便之餘，車上乘客於關上篷頂後，仍可透過天幕式車頂觀看星空，享受至愜意，廠方更於車上加裝一套先進嘅多媒體系統㖭！而引擎配搭方面，廠方則為其安排以一台1.6公升直4DOHC偈作核心，性能表現毋庸置疑；據聞此車有望響2005年左右推出，有興趣嘅車迷，不妨拭目以待喇！