九九年港姐冠軍郭羨妮近年不再以高貴形象示人，反而偏愛以簡約打扮亮相。郭羨妮自言最愛到邱淑貞丈夫沈嘉偉開設的IZZUE買衫，貪其服飾簡單易配襯，而且價錢大眾化。
郭羨妮自卸任港姐後，便不用再為迎合港姐高貴氣質與身份，而刻意穿上十分女性化的服飾示人。郭羨妮自言其穿衣哲學是以簡約為主，她說：「我最鍾意就係簡單，無論愛情抑或着衫，都係以簡單、簡約同舒服為大前提。」
原來郭羨妮最鍾情的服飾品牌，不是Dior也不是Chanel，而是大眾化的IZZUE，她說：「任何一件衫襯任何一條褲都可以，價錢又唔貴，好化算。我又唔鍾意跟潮流，簡單嘅衫就最襟興，又最啱我。」
不過，簡樸打扮雖然舒服，有時卻未免太過單調，尤其郭羨妮身為藝人，出席各種公開場合最怕就是不夠起眼，所以她十分喜歡購買一些得意有趣的飾物作配搭。
郭羨妮說：「我好鍾意買飾物，頸鏈、手鏈我都買好多，唔一定係貴，最緊要係得意，簡單嘅衫襯唔同嘅飾物都可以好好睇，誇嘅可以突出效果，普通嘅就精緻得嚟有乾淨嘅感覺。」除衣着簡單外，郭羨妮連化妝都以清淡為主，她說：「我最鍾意化清淡嘅妝，濃妝我好少化，smokyeyes其實好難化，搞得唔好會好核突。」
採訪：楊潔雯 攝影：何國豪
