馬己仙峽道豪宅澄碧閣，近年已經成香港政治第一樓，葉劉同馬丁李同居一層樓，大家貼錯門神，閣中重有馬時亨、《基本法》前草委查良鏞。
𠵱家呢座處境戲劇嘅舞台，又多咗一個主角，就係王官嘅千金王穎妤。
唔知係咪因為李柱銘佢殺氣大，住喺馬丁對面嘅葉劉已經執埋包袱陪個女去咗美國，樓下嘅馬時亨局長就一上任要鞠躬謝罪，至於搬咗入去冇幾耐嘅王法官，最近亦周身蟻，唔多掂。
八方聽聞，馬丁因為間屋太舊要翻新，星期日已經搬咗去司徒拔道某處住兩個月，咁馬丁避開一陣，唔知會唔會好啲。
不過，秋官一家咁惹火同坦白，大家都難幫到佢。
澄碧閣咁多是非，睇嚟都要搵人睇吓風水。
傳真︰2623-9278
電郵︰