許志安前晚在灣仔舉行音樂會，跟嘉賓之一的蔡一傑大跳辣身舞，二人的身體如膠似漆地互相緊貼，並互相撫摸對方身體，差點摸到彼此的重要部位。安仔和傑仔唱得興起，更互相擁抱借位咀嘴。
許志安前晚在灣仔會展出席「新城無盡安哥音樂會」，邀請了張崇基、張崇德、蔡一傑和盧巧音（Candy）做嘉賓。
安仔和蔡一傑除了合唱外，還大跳辣身舞，只穿着外套的安仔敞開胸膛，穿背心的傑仔則露出腰部，二人的身體不時緊緊貼近，又互摸對方。傑仔除了從後攬着安仔的腰外，他的手更差點摸到安仔的重要部位，之後他們又忽然緊緊擁抱，借位互咀，意識極大膽，加上現場綻放煙花，場面「溫馨」。
問傑仔的手有否觸摸到安仔的重要部位？他說：「冇掂到，我哋做騷啫，呢啲都係即興跳，以前一齊登台夾慣，我哋冇綵排，但有默契。我成日都同霑叔（黃霑）錫錫，冇乜大問題。」安仔亦說：「喺台上應該忘我，作為歌者應該投入隻歌，唔應該分性別，好似我當傑仔係女仔，而同Candy錫嗰剎那就當佢係最愛，咁先有力量去唱。」
前晚大會播放了安仔和鄭秀文（Sammi）在歌曲《愛情儍戀lalala》的MV片段，早前Sammi曾表示視安仔為家人，安仔說：「我點識答，咁咪四海之內皆兄弟囉！」而張崇基和張崇德綵排時，各自的另一半都陪伴在側和斟茶遞水，安仔對此說：「唔係好恨，遞水我可以叫助手遞。如果我鍾意，我拎水畀佢飲都得，但暫時未打算拎水畀人飲。」
另外，何超儀將於年底結婚，伴娘Candy說：「我為件伴娘衫度咗身，但未知乜嘢款。我諗到時都唔會大玩新人，因為要尊重雙方家長。」
採訪：馮美茵
攝影：陳慧安
