沙田居民投訴，位於沙田火車站附近的排頭村，與巴士及小巴總站間的空地大樹旁，經常堆積大量垃圾，孳生蚊蟲，令上址環境衞生欠佳。居民稱：「我周不時見有啲蚊蟲喺度飛來飛去，我間中都會泊架車喺大樹旁，嗰個位真係成日都有人亂掉垃圾，衞生都差晒。我成日都驚自己架車會俾啲冇公德心嘅人整污糟埋。」
記者曾前往視察，見上址確被人棄置不少垃圾，有汽水罐、食物殘渣、木條和膠布等。可能因為有食物殘渣，故孳生蚊蟲。
食物環境衞生署近日回覆稱，該署職員曾前往上址視察，發現有少量垃圾堆積，已派清潔承辦商把該處清理妥當。
食環署會繼續留意上址及採取適當行動，以保持環境衞生。
（一○一七○二四）
服務熱線
電話:29908288
傳真:23702192
電郵: