黃耀明前晚在紅館完成一連三場個唱，除了其外籍男性好友繼續到場支持外，前達明一派隊友劉以達亦再擔任表演嘉賓，大受觀眾歡迎。演唱會製作人丘亞葵表示有意為達明一派籌備演唱會。
為了答謝劉以達，黃耀明先後在舞台上錫了對方四啖。黃耀明在完騷前演繹了徐小鳳的《風雨同路》，卻因此超時一分鐘，幸場館給予酌情，並沒要求丘亞葵支付約二萬七千五百元的罰款。
黃耀明及後出席慶功宴，談到其個唱較《維港巨星匯》受歡迎，他說：「佢哋都想做好維港騷，但組織有問題，吸取咗呢次經驗後，其實唔止政府可以搞，民間都可以。一個騷唔係鬥多人同鬥多錢，我嘅演唱會成本同維港騷差太遠，搞騷係用腦筋同誠意。」
採訪：李珮洳
攝影：林德雄