自從台灣地下領事路平婀娜多姿咁光臨香港，以一襲露膊裝，加一條水蛇腰，做咗光華新聞文化中心主任豔壓香江之後，成個光華真係完全不談政治，唔理阿扁喺台灣搞乜嘢大小動作。
呢個星期四嘅一個文化講座，請咗著名時裝設計師VivienneTam、林國基，重有設計師劉小康一齊大講創意嘅精粹。另外，今日至星期四，光華重會播放向台灣公視借嘅一段珍貴宋美齡紀錄片。
路平話，比較起政治上嘅口水、乜嘢政黨選戰，文化交流係最有意義嘅。但係一講到光華同特區政府有乜嘢文化上合作，就輪到路平即時收起自己嘅口水，冇法啦，再講多兩句，林公公就面青嘅嘞，體諒吓特區高官嘅心臟承受力啦。
（圖）路平噚日帶埋光華嘅新副主任謝國正（右）出嚟同大家打個招呼。
傳真︰2623-9278
電郵︰