霍英東應承捐三千萬畀科大，等科大可以透過「等額補助金」制度，同政府攞同一數額嘅款項。科大咁就得到六千萬，梗係開心，重安排喺今日搞個捐款接收儀式，正式接收呢筆捐款。有錢收，又可畀老霍威下。
不過據講老霍因為早前整親條腰要養病，今日出席唔到儀式，所以吩咐二公子霍震寰代佢捐錢。
政府就嚟再大削大學撥款，啲大學除咗搵富商捐錢外，亦希望其他人可以多多益善。科大推出「書海留名」計劃，只要捐五百蚊就可以喺圖書館新書上嘅藏書票，印上獻贈者同承獻人名稱；捐夠一千蚊重可以選定任何一本書。
科大校長朱經武噚日以身作則，捐咗一千蚊，等佢可以將同外父陳省身喺九一年共同編著嘅《PhysicsandMathematicsofAnyons》，獻畀外父。
傳真︰2623-9278
電郵︰