清太宗皇太極嘅孝莊皇后，究竟有冇喺皇太極死後下嫁叔仔多爾袞，係一宗歷史疑案。唔單止歷史學家有興趣，連科大校長朱經武位外父、著名數學家陳省身都踩過界研究，佢噚日推倒幾年前自己話孝莊冇再返頭嫁嘅結論，肯定孝莊有再嫁多爾袞。
陳省身噚日出席科大「書海留名」捐款儀式時話，兄嫂再嫁叔仔係滿人習俗，加上順治皇帝（即孝莊個仔、康熙個老竇）登位後甚少見呢個皇額娘，推斷係因為孝莊嫁咗畀多爾袞，搬咗出宮所致。
（圖）陳省身（中白髮者）話一個人要成功，知識一定要夠廣博，所以佢唔只數學叻，對歷史亦有研究。喺佢左邊嘅女婿朱經武重爆外父係食家。
陳亮華攝
傳真︰2623-9278
電郵︰