記得《非常外父》啟播之初，八方寫過「丁蟹效應」，擔心鄭少秋一出場，港股就會重演十月股災。𠵱家十月已過，個市炒到火紅火綠，啲大陸資金源源不絕而來，莫講話一個秋官，就算最近爆多一個秋官王見秋出嚟，啲股民亦冇有怕。八方班師奶friends，個個就去買本票認購新股，一隻航乜天工就賺兩成，一隻乜嘢保險又話食梗魚翅，真係唔使等「屍爬」已經有番九七年嘅味道。
經紀老友話，所以千祈唔好扮醒目勸人戒賭，大家輸咗心甘命抵，贏少咗就怨你一世。佢雖然有道理，但八方都係要勸各位收細注碼。點解？睇睇今日頭版嗰隻係乜，唔好咁勇呀。
傳真︰2623-9278
電郵︰