早排，亞Mark曾經同大家提過，話富豪汽車代理權落入新公司─維信汽車之後，嚟緊佢哋陸續會有新車推出，當中至為香港車迷期待已久，就梗係嗰部可載乘七名成人，新一代CitySUV嘅XC90啦！由於部車面世以來，響歐洲及亞洲地區，同樣出現有供不應求嘅關係，響新代理同掌舵人嘅譚Sir爭取下，率先抵港會係有210匹輸出嘅XC902.5T。雖然馬力較頂級XC90T6嘅272匹有點距離，但搭載埋一套先進5前速Geartronic半自動波，以及恒式四驅裝置，起跑加速敏捷有勁，兼且行車重好穩定㗎！至於呢部咁講求安全，又集結多用途於一身嘅XC902.5T，定價不過53萬多，而頂級XC90T6亦不過63萬幾，代理將於本周五（11月7日），重會響灣仔陳列室作XC90嘅首度傳媒發布會。若然大家有興趣的話，屆時亦不妨去睇吓部車喇！