近年日本市面上有唔少爆料雜誌，當中提及嘅明星秘聞都好誇張，最近一本名為《話題Scoop》嘅月刊，就爆咗幾位女星嘅放蕩性生活豔史，重居然話加藤愛同中島美嘉有不尋常嘅親密關係，真係信不信由你。
《話題Scoop》聲稱有日本藝能界記者爆料，指阿愛近排受到溫泉偷拍影帶事件打擊，匿埋唔敢見人，又話佢同中島美嘉自從合作完日劇《傷痕纍纍的LoveSong》之後，已經成為密友，所以就去咗美嘉屋企避風頭喎。聽聞美嘉係一個雙性戀者，阿愛由於怕咗男人，於是美嘉決定用自己嘅身體嚟撫慰加藤愛！
除咗阿愛同美嘉之外，又有另一位日本記者向雜誌爆料，話女星牧瀨里穗雖然同少年隊嘅東山紀之分咗手，但佢仍然念念不忘東山嘅加大碼子孫根！最近牧瀨就多次被人目睹喺六本木一間主要係西洋壯男幫襯嘅酒吧入面找尋「代替品」，佢飲醉之後就會主動坐喺獵物大髀上，表現得好火辣。
廣末涼子同宮澤里惠亦被指生活放蕩，某年輕演員話有次同廣末食完晚飯後，獲邀喺床上玩到天光；而宮澤里惠原來唔止背住設計師男友同中田英壽濕吻，重成日飲到醉醺醺同其他男人鬼混，遲早會同男友解除婚約喎！係真唔係呀？