響現正舉行嘅日本東京車展上，鈴木車廠展出有多款概念車，當中除有Concept-S2及S-Ride等極具吸引力嘅車款外，外貌與現行Jimny車系相近嘅Landbreeze，亦惹來不少車迷注視。
令人望落去好有同廠Jimny車系之感嘅Landbreeze概念車，雖略帶有前者嘅影子，但響廠方嘅改良下，明顯要來得好有CyberFeel，而車高亦要比原有Jimny稍高一點，從而營造出一份強烈嘅SUV情懷；車廂布局亦要來得極富前衞感，而且空間又見寬敞闊落，乘坐舒適性亦見不俗呢！不過，此車最惹人注目嘅，會係佢以一台660cc電油引擎配合電馬達作組合嘅混合燃料引擎配搭，好力之餘又見有低耗油量嘅特性，未知此車有無機會正式投產呢？