張學友早前曾呼籲四台應聯辦一個樂壇頒獎禮，而近年已沒有出席香港樂壇頒獎禮的學友，前晚卻罕有地到廣州領獎，問他是否對香港樂壇心淡？學友對此說：「因為香港係我屋企，我會緊張啲，我想佢（指香港樂壇）好。」
記者王連連、林德雄廣州直擊
張學友、李克勤、譚詠麟、容祖兒、謝霆鋒、張栢芝、陳小春、黃伊汶和女子組合Twins等，前晚在廣州出席「雪碧榜音樂頒獎典禮」。
大會頒發的獎項超過七十個，當中以環球唱片旗下的歌手，包括譚詠麟、李克勤等最威，共囊括約十二個獎項，其次是英皇歌手，包括謝霆鋒、容祖兒等，合共得到約十個獎項（詳見附表）。
由於大會是雪碧，所以百事的代言人如男子組合F4、鄭秀文、郭富城和周杰倫等歌手，前晚就在雪碧榜上統統「食白果」。
張學友一直很支持香港樂壇年底搞四台聯頒音樂頒獎禮，而他近年已沒有出席香港的音樂頒獎禮，但學友前晚卻罕有地到廣州出席頒獎禮，問他是否對香港樂壇心淡？
學友說：「唔係，但我講過嘅嘢（指只會出席四台聯頒音樂頒獎禮）唔通唔算數。始終係內地嘅頒獎禮，冇權話事，每個地方有唔同指標，唔需要懷疑點解唔喺香港攞獎，但我就喺外地攞。因為香港係我屋企，我會緊張啲，我想佢（指香港樂壇）好。」
學友前晚得到大會頒發「千禧全國成就大獎」，而林憶蓮則得到「全國榮譽歌手大獎」。學友表示近日有跟梅艷芳聯絡，對於阿梅說話時氣若游絲，他說：「阿梅以前都有呢啲情況，佢嘅演唱會都冇問題，到時我都會去。」
而栢芝近年專注電影，忽略了唱片工作，但她前晚亦得到「我最喜愛人氣偶像大獎」，她說：「我已經有新歌《忘了，忘不了》派上台，呢首係電影《忘不了》嘅主題曲，我遲啲會籌備國語歌加廣東歌嘅碟，隻新歌係話以為自己唔記得以前啲嘢，其實就忘記唔到，係電影內容，唔係我嘅寫照，唔好屈我。」
栢芝又再強調跟環球唱片關係很好，問到栢芝在後台可有碰到霆鋒？她說：「我唱完就走，冇見到，我從來冇迴避過佢，點解要咁做，乜佢好恐怖咩？」
至於小春和栢芝在萬聖節當晚一同消遣，問他們現時關係怎樣？小春說：「大家唔好誤會，從來只係大家覺得我哋喺一齊，家」
