上個星期，亞Mark曾經同大家提過，話上任福方集團統籌紳寶及歐寶汽車，在港銷售事宜嘅DamianYip，忽然向公司請辭，因而惹起坊間唔少揣測；及至上周五，終於水落石出有答案喇！之不過事實令唔少行內人士感到詫異，原來Damian係過檔日本富士香港代理商意美汽車，出任GeneralManager一職，較佢原任福方GeneralMarketingManager，委實係跳升咗多級呢！
至於話意美汽車為乜咁急搵人，經亞Mark向多方打探過，原來香港意美汽車嘅原有掌舵人，遲吓會被集團調派往國內開拓業務關係，因而香港市場嘅繼後工作，就急需要有一位既有豐富經驗，而且又要熟悉本地汽車銷售嘅專材啦！咁睇嚟Damian過檔又無可厚非，確實係適合不過嘅人選噃！