以ModernLiving為造車概念，工程師響設計新一代日產Cefiro嘅機械配搭時，重新反思咗動力對駕駛嘅意義；一眾選擇Cefiro嘅車主，其訴求不在於強悍嘅爆炸力，反而會係力度與舒適度之間嘅平衡，有如交響樂嘅非凡造詣，掌握力量絲毫不差，而且來得收放自如，好讓駕駛者及乘客都能夠細意欣賞。
為要演繹呢份力的藝術，廠方就特別為新車，安排有喺車壇享負盛名，並連續九年榮獲著名汽車雜誌《Ward'sAutoWorld》十大最佳引擎榮譽嘅VQ系列引擎；當中嶄新嘅CAE（ComputerAidedEngineering）技術，針對最易引起噪音嘅機械部件，將引擎嘅聲浪，大大減低至耳朵聽唔到嘅分貝，從而達到車廂零噪音嘅境界。
除此之外，新車亦備有一套出色嘅懸掛系統，加上最新研製嘅獨立多連桿系統，針對凹凸不平嘅路面，將起伏迂迴等地勢作出徹底過濾，行雲流水嘅駕駛感覺，實能令駕駛者放開心情，真正享受駕駛樂趣；而且全新Cefiro嘅最小轉向半徑亦僅為5.3米，轉向亦要來得更見靈活呢！