長毛上個月獲中央破例安排返鄉下領阿媽骨灰，噚日又無情情走去睇航空展，究竟搞邊科？八方噚日喺旺角街頭撞到嗌破喉嚨倒董嘅長毛，先知佢倒董前先去睇航展，佢話自己對呢方面唔係特別有興趣，更加冇可能咁有心排幾個鐘攞飛，總之一句講晒，係有心人送飛畀佢，希望佢去睇睇。
睇完航展嘅長毛唔見得特別興奮，重好理智咁話明白中國人會為神舟五號成功升空而高興，但係國家都應該多發展農村，投資教育，唔應該只係掛住飛天咁話。
（圖）長毛獲有心人送飛去睇航展，照樣批評國家使錢使得唔多啱。長毛提供圖片
傳真︰2623-9278
電郵︰