假使我是王見秋，絕不會認低威自動請辭，理由雖然掹掹緊，但近期確實唔少賴死唔落台的垂範樣辦，左抄右搭勉強湊數，應該唔會穿崩，理歪但氣壯反駁：
一我做得唔夠好，但冇犯錯。二我衰在母語唔好，但政治智慧高。
三我唔做，對香港係咪好事先？四冇人做得好過我！
五辭職容易，留下來更需要勇氣。六我只是主席，不是特首，無需負擔政治責任。
七乜我要辭職咩？冇人通知我喎。八退休大法官跟大律師一樣，係唔會講大話的！
九問責制下，揹鑊那個應是我波士，唔係我。十頭等飛機票……？甚麼飛機，我失憶了，淨記得偉大的神舟五號。
十一我係高級文員，唔答這種戇居問題！十二有人想我死、想董特首死、想香港死！
十三捉鬼去維港巨星匯捉，冇煩住我。
十四損害司法形象是甚麼意思？你再嘈，如果我還是十八歲，肯定擲你落海！
十五就算是征空英雄楊利偉，亦冇本事送我升天！幾勁揪！