周街有人落注，賭秋官可以坐得幾多日。時事評論員洪清田上周估佢三日內玩完，目前睇怕會捱到太空人走之後。上立法會當然係高潮所在，因為以王官嘅脾氣，未必忍得住班議員質詢。
於是有人就笑老董，連初級行政管理都唔識，任何大公司如果一有高層遞辭職信，一定第一時間畀佢放假，等佢冇機會接觸公司機密，但老董、煲太同何志平已擺明車馬唔想用胡紅玉，只係搵唔到人，竟然叫佢再捱一年義氣。
咁Anna當然唔理得你咁多，有嘢照做，有位照填，以後點搞係老董閣下嘅事。鄔維庸向老董推薦秋官，老董心想佢係大法官都應冇問題啩，於是以為執到寶，點知又多一個計時炸彈。其實只要老董去法律界收吓料，就知底細，但係佢只聽一兩個人話，陳建平同林煥光又唔提佢，有乜計喎。
傳真︰2623-9278
電郵︰