上周五美股平穩，但倫敦港股則跌百一點過外。上周四晚倫敦港股曾有急跌400點驚魂，大家都知發生乜事。
今日港股若有回吐，要趁低買輪。上周五倫敦市滙豐（005）唔見2元，如果拖低香港滙豐，滙豐Call輪咪錯過，好幾隻滙豐Call輪都有唔錯爆炸力，唔再重複。
上周五倫敦和黃（013）又係「好弱」，跌42.5仙，今日若見低跌，又要趁低買和黃Call輪，一啤對象，係9914同9066。9914明年1月到期，輪價73仙，溢價3.4%，槓桿率8.3倍；9066明年4月到期，輪價62仙，溢價9.9%，槓桿率9.7倍。9914行使價55元，屬價內輪，但價內唔夠1成；9066行使價60元，輕微價內，喜歡爆炸力嘅，9066靚過9914。唔想畀較高溢價嘅則揀9914。
先幾日提過嘅華創Call輪9868，上周五有嘢睇，收1.95元，升24仙。隻輪係每份兌1股正股，正股（291）每郁1毫，隻輪理論上亦郁1毫，是日郁多過正股，代表正股重有得去。正股收9.15元，單日升10仙，上月高位9.50元指日可破，隻輪聖誕節前到期，溢價0.9%，槓桿率4.7倍，爆炸力唔算太強，但博正股上升拉動，就算正股只係升到9.50元，隻輪都已經值2.2元仍然諗得吓。
章 盛