要數今年秋冬大熱衣着，絕不少得biker的份兒。張曼玉、陳慧琳（Kelly）、鄭秀文和陳曉東等日前都率先以biker亮相，曼玉穿的是她任形象創作總監的本地品牌Izzue出品，Kelly的粉紅biker則來自意大利品牌Versace，她還表示最適合襯Puma波鞋。
張曼玉是本地的Izzue品牌形象創作總監，今季旗下推出的黑色biker一早賣斷貨，曼玉曾穿過外，盧巧音也是捧場客。
而陳慧琳日前到北京，亦身披一件粉紅色biker上機。她戴上墨鏡，遠遠便被認出；另一型人鄭秀文也不輸蝕，她日前到電視台錄影節目及到北京出騷，也分別以黑及勁sharp的桃紅色biker襯薄紗衫裙出現。男士代表方面，陳曉東日前到上海領取時裝獎項，身穿本地品牌BlueHeroes的米白色biker，可見biker是今冬的必備items。
Kelly表示其粉紅色biker是意大利品牌Versace的出品，粉紅色調是今季大熱顏色之一，配以硬朗的biker線條，有型得來不失女性美，剛柔並濟，今季任該品牌的代言人、拉丁女歌手ChristinaAguilera便真空穿上此biker拍攝硬照廣告，別有一番嫵媚。
Kelly說：「我覺得呢款褸着咗後令個人好有型，𠵱家喺歐洲好興，我當然都唔輸蝕買嚟着啦。呢款褸好易襯衫，可以算係百搭款式，襯乜嘢都襯得好靚。」
問這款褸最適合以甚麼來配襯，Kelly甚有心得地說：「最好就係襯波鞋，如果可以着平底尖尖哋嘅Puma波鞋就最適合，casual中又帶啲時代感。」難怪Kelly近日常腳踏Puma×Mihara的波鞋。
