高官對市民肯定唔問責，但係對住美食佢哋就好負責。公益金前晚搞咗個「高官名人廚善夜」，請到好為食嘅葉澍堃、廖秀冬同何志平親自下廚，原來個個都有番兩道，葉澍堃整咗味「金玉滿堂」，簡單講就係燕窩炒蛋白；廖秀冬嘅「洞庭藕盒」就係蓮藕釀咗豬肉之後攞去炸；最有排場嘅係何志平嘅「奶皇金杯煎堆仔」，一個個叠起哂，唔食得都睇得。
除咗三位高官之外，信興主席蒙民偉就預先準備咗「阿蒙咖喱牛腩」，連埋三個高官嘅餸畀嘉賓競投。財爺唐英年雖然冇出席，但都為活動做酒評，而唐媽媽就負責為湯羹評分。
傳真︰2623-9278
電郵︰
