「我一行過去，佢就爬落水」
村民：條鱷魚有幾十斤重

【本報訊】對於元朗南生圍山背河與錦田河交界發現有鱷魚，除了曾親眼目擊過鱷魚蹤影的橫水渡船主陳伯夫婦外，居住附近的所有村民及遊客都表示簡直不敢相信。有人甚至指鱷魚不會生長在這種已被污染的環境中。漁農自然護理署發言人亦表示，署方曾於暑假期間接獲觀鳥遊客發現巨蜥及五爪金龍的舉報，但未收到該處有鱷魚出沒的報告。

村民：未曾聽聞
以橫水渡維生的陳伯向記者表示，一個月前已見過該鱷魚爬上岸「曬太陽」。他稱：「當時我想去捉佢﹙鱷魚﹚，一行過去佢就即刻爬落水，佢走得好快。我想捉佢返來影相或者登報紙都好呀，我老婆重話捉佢嚟食㖭！」居住在涌口村的陳伯形容：「條鱷魚可能有幾十斤重，我以為佢唔敢上岸，所以夜晚瞓覺唔擔心佢會嚟屋企襲擊我哋。」
居住涌口村三十多年的梁婆婆（七十三歲）說：「我個仔以前成日喺附近游水，成條村都冇人話見過鱷魚。如果真係有鱷魚，咁我要叫佢哋以後唔好去游水囉！」她雖然不信有鱷魚，但希望當局可以派人來捉走鱷魚，令村民可以放心生活。
住在沙田的裝修工人曾先生，昨天難得清閒帶相機到元朗去拍風景相。對於有鱷魚出沒，他認為：「呢度的水質咁差，環境又被污染，唔適合鱷魚生活啦。」他補充：「如果真係有，我會再來碰碰運氣，睇睇有冇機會撞到。」

漁護署稱未發現
曾多次相約到上址拍攝風景的一班攝影發燒友表示，如果真係有鱷魚，會相約帶相機來捕捉鏡頭。
發現鱷魚姓陳伯，昨晚經記者致電說出其村證實有鱷魚出沒，而且記者亦已報警後，以平靜心態回應：「都冇乜特別，因為一星期前我吔已經知道，重講畀其他村民聽，但佢吔有一半人信，亦有一半嘅人唔肯信，個個都咁早瞓，𠵱家村內仍然好平靜。」

望當局及早捉拿
陳伯續說，希望當局及早將鱷魚捉了，否則走近民居便容易發生意外。