容祖兒（Joey）、謝霆鋒、李克勤和Twins，前日應邀在歡迎中國首位升空太空人楊利偉訪港活動上演出，之後他們即到廣州參加「雪碧榜音樂頒獎禮」。
Joey表示有跟楊利偉握手，她說：「我感覺到佢係中國真正英雄，佢隻手好有太空feel。」克勤則說：「我雖然冇份上太空，但有得參與同表演都好開心，況且嗰日嘅主角係楊利偉，唔係我哋。」
而因趕赴廣州關係，Twins前日無緣聽到楊利偉開金口唱《男兒當自強》，蔡卓妍（阿Sa）說：「我都好想聽佢唱歌，佢係太空人，唔係太空歌手，中國人氣量大，有氣功囉！」在前日活動上，阿Sa與署理行政長官曾蔭權十分好傾。
此外，對於有觀眾指該活動有太多歌手演出，身為表演者之一的Twins表示：「咁呢啲係觀點同角度嘅問題，而且冇理由要楊利偉企喺度畀人睇㗎，加上個騷係做畀佢睇嘅，我哋已經盡咗力啦。」