郭晉安與陳慧珊（Flora）昨日在大埔仔村拍攝無綫新劇《隔世追兇》，劇情講述Flora追殺安仔，二人雖然均有替身協助拍攝，不過仍然拍至一身大汗。
安仔昨日被Flora一連串揸刀兼起飛腳踢的動作追殺，其間安仔更險被Flora踢中要害，安仔事後笑說：「我一入行已經練定啲秘技，等我喺台慶表演鐵祠堂過你哋睇，Flora佢可能係男性荷爾蒙過盛！」
Flora對於被指男性荷爾蒙過盛，她即指着替身問記者二人是否相似，她說：「我知道拍打戲即刻去買對新波鞋，我上次用刀插到安仔隻眼，今次已經小心，不過同我合作過嘅男藝人，好似鎮宇佢哋咁，都話我似男人，唔怪之得我冇人追啦！」
採訪、攝影：卓美娟