最近全港嘅流行話題已經再唔係楊永強幾時落台，又或者盧維思幾時「炒魷」，最新話題係平機會主席王見秋，究竟幾時先肯辭職？
有政界中人同八方講，目前坊間「盤口」，係綽號「釘官」嘅王見秋今個星期內一定頂唔順，實行「劈炮」唔撈，但有政界人士話呢個「盤口」買唔過，主要係中間涉及重大「不明朗因素」，就係我哋逢係犯錯都例必要力保嘅董特首，若佢黐起條筋話要攬「釘官」，隨時可以同佢共同進退就大件事，阿董最多咪搵成個平機會同「釘官」陪葬！
有另一位政界人土又話，現時最唔想「釘官」今個星期拜拜嘅人，肯定係有線新聞部阿頭趙應春，因為若果「釘官」喺立法會民政事務委員會開會前唔撈，佢就唔使俾班議員審，有線直播「戲碼」立刻大減，淨係諗下「釘官」大戰立會「四個惡女人」，都隨時好睇過周星馳套《審死官》啦！
傳真︰2623-9278
電郵︰