秋官下凡馬丁冇眼睇 - 李八方

  秋官下凡馬丁冇眼睇 - 李八方

身為大狀嘅白鴿黨前主席李柱銘,一直都反對老董任人唯親,特別係委任親啲大大小小嘅諮詢委員會,個個都以「聽話」為最首要任命標準,結果王見秋就搞出個大頭佛。
馬丁覺得最慘嘅,係香港人本來好尊敬啲司法人員,特別係法官,但「秋官」一出,法官形象就破壞不少。馬丁講咗個古仔畀八方聽:點解法官要戴假髮上庭?就係要盡量減少個人化,重視制度。咁當然法官一離開咗崗位,就係一個普通人,佢要講乜邊個都無法阻止。至於王見秋最近嘅言論,馬丁話肯定對平機會嘅形象有影響,「真係冇眼睇!」
有人笑,秋官可能當法官太久了,下了凡間,卻不知原來咁煩,唔知秋官有冇後悔答應咗老董呢?



傳真︰2623-9278
電郵︰pf_lee@appledaily.com