李嘉誠旗下嘅長和系集團較早時同公益金搞咗一個「長和愛心為公益」捐款，講明人哋捐一蚊，長實就捐一蚊，八方噚日出席三大地產代理行──中原、美聯及香港置業喺長實旗下一個售樓處舉行嘅捐款接收儀式。
三間代理行各捐出八千八百八十八元八角，長實亦捐贈同等金額，加上長實嗰位一星期返七日工嘅執行董事趙國雄，也捐出近日因公幹頻仍而搜羅嘅各國貨幣加埋入去，總計為公益金籌得善款五萬八千元，由公益金籌募委員會聯席主席余錦基接收。
不過，點解每間地產代理行嘅捐款數字得八千八百八十八元八角，而唔捐多啲呢？不過答案都係八方意料之中，呢個數係同長實斟酌之後得出嘅，話咁先好意頭喎！
（圖）趙國雄（右）將啲各國「散紙」捐出，由余錦基接收。
傳真︰2623-9278
電郵︰