佘詩曼、陳鍵鋒及韓君婷等昨日在奧海城出席無綫的宣傳活動，並與現場觀眾玩遊戲，阿佘昨日更穿上斜膊衫襯短裙仔。阿佘玩遊戲時，坐上轎由其他男藝人抬起，阿佘玩時特別小心，慎防走光，阿佘笑說：「本來我上身就做好晒安全措施，但係估唔到要玩坐轎，搞到我失晒預算，好彩都冇走光。」
隨後，無綫在同一地點舉行「萬千星輝賀台慶」記招，出席藝人包括李永豪及陳宇琛等，日前李永豪女友楊思琦出席一劇集記招時被取笑有老爺及大伯監場拍親熱戲，問到他女友可有向他提及？李永豪說：「佢有同我講，都預咗俾人笑。」問到楊思琦可有向他訴苦拍劇時遭人欺負？他說：「冇喎，佢淨係話有好多打戲，打到好痛，佢最怕痛，但如果真係有咪當係人生必經階段囉。」
此外，台慶監製林嘉穎表示今年台慶開場將會有七種顏色的煙火，寓意無綫節目更多姿多采如七色彩虹，屆時會由邵逸夫親手燃點。
採訪、攝影：胡比
