朱茵和何韻詩前晚齊齊出席CEONeway卡拉OK宣傳活動，日前朱茵與男友黃貫中（阿Paul）往泰國度假，二人入住同一房間，有周刊拍得二人在酒店泳池戲水，穿上三點式的朱茵不時向阿Paul詐嬌。
對於行蹤曝光一事，朱茵前晚說：「知道我哋去旅行嘅人一隻手數得晒，我絕對相信唔係我身邊嘅人。」問她是否懷疑阿Paul身邊的人？朱茵說：「阿Paul自己會處理。」
朱茵又表示度假期間與男友同房一點也不出奇，又可以慳錢。問她與阿Paul可有情不自禁？朱茵說：「我哋有默契，點樣相處冇必要公開。」
對於黃家強早前笑指直認禁慾五年的阿Paul可能是處男，朱茵直指有人做宣傳，又說：「啲人成日笑阿Paul，係蝦佢至真，朋友唔應該再講埋啲無謂說話。阿Paul冇發爛渣，但就好㷫，加上佢俾人出賣呢。」問她會否叫Paul重整身邊朋友名單，她說：「我唔夠膽。」