王見秋風波愈炒愈熱，雖然秋官已經學精咗，唔再亂咁發表佢啲驚人嘅「高見」俾人插，不過，佢個勢仍然好差，睇怕都冇人救到佢。
特別係李國寶出聲提議佢辭職，咁佢就真係out梗，冇得留低啦。如果大家唔善忘，都應該記得葉劉淑儀嘅收場，當日李國寶代表銀行界表達對23條有保留，點知葉劉唔信邪，繞過寶Baby逐個銀行家去問，最後被寶Baby公開批葉劉唔「專業」，唔係佢個class。7.1之後，誰對誰錯，係人都知啦。
李國寶雖然大口，但係佢好少搞錯，無他嘅，佢老哥一向冇乜嘢需要求人，所以可以講良心話。不過老董今次都睇怕又會攬秋官，直至民望再度下瀉，兩敗俱傷為止。上帝幫神舟五號升空，但係幫唔到老董做明智決定，佢要撼頭埋牆，有乜辦法。
傳真︰2623-9278
電郵︰