太空人楊利偉俾中央送嚟香港挺董，何志平一馬當先搶威，第二個係剛由日本趕返香港嘅唐英年，第三個當然係走位最叻嘅李麗娟。
眾人契媽又真係好識得着衫，個個男人都着住件深色衫，佢阿姐就好Sharp，揀粉紅色嚟着，想睇佢唔到都唔得（圖）。
去到禮賓府，另一班超級「攝石人」又出現，就係由「太空城」主席率領嘅民建聯成員，特別係啲區議會候選人，劉江華直情有咁近企咁近，好似做咗楊利偉個副官咁款，總之為咗出鏡，不惜出位。
八方聽聞，劉江華對手何淑萍因為冇機會去禮賓府，就喺馬鞍山搏命同啲選民握手，重笑劉江華「空降馬鞍山」，所以要向太空人取經喎。
傳真︰2623-9278
電郵︰