阿董噚日抽空半粒鐘畀面出席有線十周年慶祝酒會，重咁啱撞見幾個成日發表批評政府意見、甚至「倒董」言論嘅名嘴，包括7.1有上街嘅導演張同祖、喺電台開咪論政嘅前高官鄺其志，重有名嘴黃毓民。
畀着以往嘅阿董，可能已經當自己喺萬聖節撞鬼，遠遠見到就會調頭走，噚日佢可能人逢喜事，見到鄺其志好開心咁笑笑，手指一指，最後分別同張同祖、鄺其志同黃毓民三個人都有握手。
不過阿董來去匆匆，酒會未正式開始已經走人，結果祝酒儀式只剩工商及科技局局長曾俊華同有線大老闆吳光正上台。連嘉賓李國寶都話，噚日會見特首時自己大膽提出，要佢幫民主黨議員攞回鄉證返大陸，阿董嘅反應都好正面同積極喎。
傳真︰2623-9278
電郵︰