由《春逝》女主角李英愛復出主演嗰套宮廷廚藝劇集《大將金》，喺當地收視好勁，我大口羅拉亦親身見證過。早兩日我羅拉同班專捧韓星嘅闊太喺狎鷗亭shopping完後，行過車站附近水靜鵝飛嘅商場，竟然發覺有途人圍住商場嘅電視機唔捨得走，原來佢哋睇緊李英愛套《大將金》！可見呢套劇係韓國真係好多人捧，如果計埋啲途人，相信收視重會增加唔少。