昨日有報道指一間名叫ShineFaithLimited的公司，日前入稟高等法院，向陳冠希父親陳澤民追討三百萬元欠款及利息，指陳澤民開出一張三百萬元支票，未能兌現。
正身在倫敦的陳澤民得悉後大為緊張，昨日他透過長途電話向本報表示：「我從來唔認識呢間公司，亦冇同呢間公司交過手，亦冇借過一分錢。」
陳澤民續說：「我清楚記得喺七月十七日，曾經收到銀行電話，話有一張支票會透過我嘅戶口過數，但由於數目太大嘅關係，而我記憶中亦冇開過一張咁嘅票，於是我叫銀行唔好過數，呢個係唔安排過數，絕對唔係開空頭支票。」
而陳澤民更透露早於九八年，曾為一位朋友做擔保人，並開出一張三百萬元的支票作擔保，他說：「我冇收過任何律師信，亦冇收過告票更加冇人聯絡過我，我絕對冇講假話，有就天誅地滅。」