邵傳勇與友人最近在銅鑼灣開設「Joint十五」私房菜，並選用郭富城法國餐廳的地址，前晚該店正式開張，宣萱及吳毅將等均有到賀。
邵傳勇早前與拍拖多年的女友黎芷珊分手，前晚他與新女朋友Katherine一起出現，提到同樣經營私房菜的梁思浩近日與拍檔因股權問題發生爭拗，邵傳勇說：「我間私房菜有四個股東，佢哋都交晒畀我打理，我呢幾年都累積咗唔少飲食業經驗，我希望呢度可以成為藝人嘅新蒲點。」
宣萱早前經營的果汁店結業，她有意重新開始，宣萱說：「當日冇蝕本，都係打個平，我覺得藝人有個聚腳點好好，有時我出去食飯都怕俾人偷聽電話。」
此外，吳毅將剛榮升父親，對此他說：「太太𠵱家坐緊月，我負責照顧佢，煲啲嘢畀佢食。」
採訪：楊潔雯、卓美娟
攝影：林德雄