貪靚小生平日好鬼姿整，佢次次開工拍劇，淨係畫佢堂王小虎眉，都要搞成半個鐘，最弊佢又遲到成性，所以同佢一齊拍劇嘅演員，個個都叫苦連天，因為大家點都要等佢畫埋堂眉至開得工，等都等到眼火爆。
貪靚小生早排同佢老婆上船登台，佢當日用咗個手提篋，裝住佢啲名貴化妝品同文件，但上船之前每個人都要經過X光機檢查，貪靚小生偏偏要攬實個篋過機，啲工作人員就同佢講，一定要放低隨身嘅物品，但貪靚小生點都唔肯，因為佢驚啲人唔小心撞碎佢盒粉，雙方爭持不下，搞到場面好尷尬。
貪靚小生個老婆見到情況咁僵，諗住好心出句聲打圓場啦，勸佢老公放低個篋，嗱嗱聲過X光機就算，點知貪靚小生聽到佢老婆咁講，即刻怒睥佢老婆，重當住大堆人面前大喝：「ShutUp！」搞到佢老婆勁囗，惟有黑住塊面自己過機先，話之貪靚小生放唔放低個篋。
唔知貪靚小生平日係咪扮慣皇帝，所以佢一唔鍾意就喝神喝鬼呢？
近期林心如又傳是非，首先話佢同韓星韓在石合作時，不滿製作人特別照顧韓在石而淚灑片場，繼而又話佢拍《飛刀又見飛刀》時扮大牌，噚日林心如澄清話報道亂講，佢冇可能呷韓在石醋，因對方身在異鄉拍劇，語言不通，製作人特別照顧對方都係應該嘅，心如咁體貼韓在石，難道就唔怕唐季禮呷醋咩？
陳文媛（BoBo、左一）噚日喺中環出席一個慈善活動，佢話佢首套擔正嘅電影《咒樂園》喺台灣同星馬上映嘅反應非常好，喺台灣首日票房有成四百幾萬台幣（約九十一萬港幣），重好過《無間道Ⅱ》，佢話導演同啲工作人員講話每人送部Palm。咁即係BoBo鍊贏咗緋聞男友陳冠希噃。
近期林心如又傳是非，首先話佢同韓星韓在石合作時，不滿製作人特別照顧韓在石而淚灑片場，繼而又話佢拍《飛刀又見飛刀》時扮大牌，噚日林心如澄清話報道亂講，佢冇可能呷韓在石醋，因對方身在異鄉拍劇，語言不通，製作人特別照顧對方都係應該嘅，心如咁體貼韓在石，難道就唔怕唐季禮呷醋咩？
張敬軒前晚喺尖沙嘴一間酒吧演出，佢品評女子組合2R，張敬軒話：「我覺得家姐Rosanne係賢妻良母，佢煮嘢食叻，好識照顧人，但妹妹Race細個，為人比較隨意。」問到張敬軒如要追求2R會揀邊個？佢話：「我覺得家姐穩陣得多，佢較安全唔會電人，但妹妹就有活力。」
黃凱芹前晚喺新城做節目直播，佢話十幾年前去大埔康樂園睇屋時，當時咁啱睇中張栢芝嘅舊屋。黃凱芹話：「當年栢芝帶我睇屋，佢之前同我相認番，話好想買番嗰間屋，因為覺得風水好。」黃凱芹猛讚栢芝性格善良，馮仁昭覺得佢好似好想成為栢芝嘅緋聞男友之一咁，起碼多啲機會見報吖。
