中國人嘅驕傲楊利偉今日訪港，港府邀請到佢嚟香港同市民見面，本來係好高興同值得宣傳嘅事，但八方估唔到竟然有人倒港府米，阻撓行家採訪呢單新聞。
話說當局噚日開始派發喺大球場歡迎太空人訪港嘅門票，傳媒自然要報道市民嘅撲飛情形啦。點知有行家同八方講，喺觀塘政府合署採訪時，竟然有職員表示禁止記者進入合署內拍攝派飛情況，而已經成功入內嘅都只係偷偷地咁「竄」入去，搞到現場嘅記者鬼咁勞氣，重有種俾人當賊辦嘅感覺㖭。
（圖）楊利偉訪港，市民熱烈撲飛，但係有記者入內採訪時受到阻撓。
梁祖彝攝
傳真︰2623-9278
電郵︰