究竟乜嘢可以令到民建聯主席曾鈺成靠邊站？咪就係為咗益自己嘅黨友多啲見報囉。八方噚日喺政府總部見到一個怪異景象，話說當民建聯見完老董向記者滙報嘅時候，曾主席一入記者室，馬上縮埋一邊，總之就係愈縮愈埋，差不多唔入鏡咁滯。
反觀其他政黨，大部份身為主席嘅見完老董都會企正中間靚位，曾主席呢吓真係高招。因為唔好唔記得，唔夠一個月就係區議會選舉，既然主席唔參選，大好曝光機會就梗係益黨友啦，而最大受益人就非葉國謙同蔡素玉莫屬啦，前者俾何秀蘭狙擊，後者要面對長毛發惡，真係唔努力發圍都唔得。
除此之外，同林森成有場硬戰嘅陳鑑林都講咗唔少嘢，睇嚟全部都真係拜曾主席堅持自己唔做主角所賜。
（圖左起）陳鑑林、葉國謙、蔡素玉同楊耀忠都有份角逐區選，曾鈺成（右）梗畀機會佢哋曝光啦。
傳真︰2623-9278
電郵︰