「七月份內地終於批咗單程證畀我，我都攞咗身份證，原本應該好開心，不過又好頭痛，因為我要照顧個仔，出唔到去做嘢，但係社署話我未住滿一年，所以冇得申請綜援金，𠵱家真係連街都唔敢出。」少婦阿珂心情沉重地說。
自從丈夫前年在內地惹上官非，被判入獄之後，三十歲的阿珂獨力照顧三歲兒子臻仔，然而，就讀幼兒班的臻仔不幸患有嚴重先天性心律不正，每天需要定時服藥，因此阿珂根本無法分身外出工作。母子現時只靠一份二千多元綜援金度日，扣除租金及水電等開支，每天生活費不足三十元。
「我早幾日收到先生封信，佢話因為獄中表現良好，可以提早幾個月出嚟，不過都要等到二○一○年。佢成日想見我哋，不過上去一次使費好多，我冇辦法畀得起，所以已經有三、四個月冇探佢。」阿珂說。
蘋果日報慈善基金月前曾撥一萬元予阿珂應付生活，近日將收到的善長捐款合共六千三百三十元，悉數轉交她簽收。阿珂對此表示謝意，並謂將來有機會自食其力，必然回饋社會，幫助有需要的人。
捐款編號：C0988
暖流熱線
電話：29908688
傳真：23702192
電郵：
網址：