無綫一年一度的大型台慶節目《萬千星輝賀台慶》，將於下月十九日假無綫電視廣播城舉行，每年台慶最引人注目的，當然是競爭最激烈的「我最喜愛男、女主角」獎項，據悉郭晉安及宣萱將會是該獎項的得主。
無綫台慶節目《萬千星輝賀台慶》，將於下月中舉行，最受觀眾注目的，當然是「我最喜愛男、女主角」獎項，儘管《非常外父》的鄭少秋（秋官）和《衝上雲霄》的吳鎮宇呼聲頗高，但據本報了解，今年男主角和女主角獎項，將落在收視創下佳績的劇集《戇夫成龍》男、女主角郭晉安（安仔）和宣萱身上，而「萬千光輝演藝大獎」得主，則是年屆七十一的胡楓。
現年三十九歲的安仔，在無綫努力工作了十多年終得到回報，記者昨日致電道賀，安仔謙虛地笑說：「其實秋官同鎮宇都好大機會嘅！有獎固然係錦上添花啦，但就算到時真係冇，我都唔會有空歡喜一場嘅感覺，因為我已經開心咗成年，由年頭到年尾，以前我喺街拍劇，啲人淨係會望一望，然係講句：『呀，嗰個咪係郭晉安囉！』但自從《戇夫成龍》出咗街之後，啲人就會好開心同好熱情咁圍住嚟睇我拍嘢，嗰種滿足感比起任何獎項重要大！」
安仔又表示，近日他單是拍劇已忙得透不過氣，根本沒時間去想台慶能否攞獎，安仔說：「其實我對獎項嘅嘢從來都唔係睇得太重，總之有飯開就得㗎啦，𠵱家拍劇每日瞓得幾粒鐘，我諗真係要到台慶當晚嗰一刻先至有感覺。」
此外，無綫台慶夜將安排佘詩曼、宣萱、郭可盈、郭羨妮、胡杏兒、向海嵐、張可頤和楊思琦八位花旦，與陳豪、馬浚偉、林保怡和馬德鐘四位小生行catwalk，屆時每位花旦佩戴由贊助商提供的名貴珠寶首飾，總值數以千萬計。
採訪：戴彩煥
