住大屋當然好，但如果只是單身貴族一名，住細屋反而易打理，還可以隨個人喜好，創造自己理想的家，若肯花心思，細小的空間都可以成為夢想天堂。俗語說：「室雅何須大，花香不在多」，就好像Akio這個集日本、歐陸式設計的家，甫一踏進門口，室內的擺設已令人看得入神，精緻而花心思的布置盡顯屋主的獨特創意和品味。
記者：張一豪 攝影：梁細權 模特兒：Debbie（SunSpot）
屋主Akio是在96年買入現有居所，最初入伙時，全屋的設計以簡樸的藤器家具為主。但住上了一段時間後，她開始覺得有點悶，所以就決定搞點新意思。由於Akio在一家日資公司負責市場業務，經常要飛往日本公幹，所以因利乘便，每次公幹都會買很多紀念品回家，逐漸地把家中環境變得愈來愈有日本味，就連探訪她的日本朋友，也覺得她家裏的擺設十分「和式」，勾起他們的思鄉情懷。
「我好鍾意日本文化，於是心想不如放榻榻米，咁就可以滿足一下自己崇日嘅心態。幸好做出嚟嘅效果唔錯，加上我經常要去日本做嘢，每次見到鍾意嘅傢俬同家具，就會從日本逐件逐件搬過嚟，慢慢就變成𠵱家咁樣。」
走入Akio的家，她用自己最喜愛的日本老歌迎接我們，但環顧四周，都好像看不見發聲的音響器材，原來經她細心粉飾，這些輕鬆的節奏，早已一起融入她這個四百多呎的小屋內。
Akio雖然好鍾意日本文化，但她覺得坐榻榻米，並不是人人習慣，所以才在屋裏設一個西式角落，加番張梳化，這樣便可以令朋友坐得舒服點。
「呢一部份嘅裝飾，係我從俄羅斯、布拉格等地搜購返嚟，值得一提係掛上天花嘅兩盞吊燈，如果去店舖買，每盞大約要四、五千蚊左右，但我就自己去燈飾舖『偷師』，睇完人哋點整然後就自己買材料去做，大約二千零蚊就搞掂，而且重好似砌模型咁，幾好玩㗎。」
「好多人都好好奇，問整呢間咁特別嘅屋會唔會好貴，其實入面有好多嘢都係我自己DIY，例如掃油漆、做榻榻米下面嘅木架、裝飾火爐等，全部都係由我落手落腳做，只係有部份喺日本買嘅家具比較貴少少。如果粗略估計，大約花費十萬蚊左右。」
