古天樂最近在新片《豪情》中飾演性書大亨，原來他幾歲時已對性充滿好奇，更由對太監的好奇心開始了解性，幸得古媽媽循循善誘，古仔更說：「我好細都知Kiss係唔會生BB。」
古天樂首次擔任監製的新片《豪情》昨日上映，在片中他飾演性書大亨，與多名裸露上身的AV女郎有對手戲，亦有不少粗口對白，所以該片被列為三級片。
古仔自言小時候對性已充滿好奇，幸得到母親一一解答，他日前接受訪問時說：「我第一個問媽咪嘅性問題係睇完電視問佢乜嘢係太監，嗰時都係得幾歲，媽咪當時解釋得好清楚畀我知男同女嘅分別。性方面嘅基本常識我都唔差㗎，起碼我好細個都知Kiss係唔會生BB。」
對於在新戲中與裸露的AV女郎演對手戲，兼有不少粗口對白，古仔表示不感尷尬，他說：「只可以講係做番演員要做嘅嘢，多啲嘗試唔同嘅劇本啫。其實呢啲都係香港人嘅一部份，我覺得電影可以好闊，自由度可以好大，外國好多戲都有粗口。」
古仔續說：「至於劇情需要裸露，都係反映生活嘅一部份，呢套戲都拍咗另一個IIB級嘅版本，不過我覺得三級版本會比較接近原本改編自真人真事嘅版本。」
為了找尋戲中五十名AV女郎，古仔曾走訪澳門、泰國及日本，他說：「原本想搵泰國『金魚缸』啲女仔，不過佢哋唔肯出鏡，最後只有日本嘅Agency覆到。」
古仔又表示首次擔任電影監製難免有點緊張，不過他仍有興趣嘗試擔任不同工作崗位，他說：「𠵱家最想做編劇，不過未來五年都唔會考慮做導演，愈拍得多戲，就愈唔了解點樣用鏡頭去交代故事。」
採訪：卓美娟
攝影：仇志中
