八方日前去參加一個港大活動，撞到資深新聞前輩梁天偉同佢太太、社署前副署長梁王珏城，兩人都精神奕奕，滿面笑容。八方問佢點解咁有福，佢哋話皆因退休後全職做義工，覺得好有意義。
梁天偉為港大家庭研究院做宣傳同籌款顧問，而梁太Eliza更厲害，除咗做港大秀圃老年研究中心副總監，重北上大陸開堂講課搞培訓。過去三個禮拜，就去過湖南長沙、北京同山東濟南，既為地方民政廳嘅高幹講吓老人工作經驗，重出席國際會議。
梁太不停話「工作好有意義，好有趣」，明年後年重要再去孔子故鄉山東。
除咗梁太之外，佢同事朱楊珀瑜離開社署後，亦去咗幫港大做義工。做義工咁開心，唔怪得就快榮升外婆嘅梁太樂此不疲啦，做人最緊要睇得開，儍強、秋官等人，參考吓喇。
（圖）朱楊珀瑜（中）同梁天偉（左）、梁王珏城（右）夫婦都為港大效力做義工。
傳真︰2623-9278
電郵︰