英皇3T的劉思惠（Maggie）最愛收藏飾物，尤其是大件頭的銀製首飾，當中鄭希怡（Yumiko）今年送給她作生日禮物的Chloe手鏈更成為新寵，Maggie說：「Yumiko知道我鍾意啲大大件嘅飾物，所以買咗呢條鏈畀我，我好鍾意㗎，因為佢有少少殘舊感，好特別，好有紀念價值。」
Maggie每次到外地旅遊或工作，總會瘋狂搜羅當地別致的飾物，她說：「其實我買飾物嘅數量係同買衫一樣，好似之前去韓國，一見到靚嘅就會買嚟收藏。」
眾多飾物中，不乏由Maggie親自設計的，她更夢想擁有屬於自己品牌的飾物，她說：「其實外國已經好興，不過我怕若果自己開埋舖頭，攞貨返嚟會唔捨得賣。」
採訪：比華利、羅慧敏
攝影：陳偉權