唐唐一聲令下，各問責局長接旨五年內要減一成一開支，又要鞭隻馬，又要隻馬唔食咁多草，啲部門首長覺得做牛做馬，梗係叫晒救命。
係人都知，大部份部門嘅開支都係人工，咁你又話唔准裁員，唔准減少服務，重有乜嘢錢可減呢？
鬼叫你做問責司局長咩？唔掂都要掂。
負責檢討問責制嘅林D8只識得賣花讚花香，唔肯面對問題，就係好多司局長（可能林瑞麟除外）二十四小時唔瞓都做唔掂，因為瓣數太多，睇文件都睇唔晒，又要走出走入，搵不同黨派議員游說，出國推銷特區，超人都玩死。
所以繼馬局長之後，又出現個冇睇文件就發表高見嘅唐司長，一啲都唔出奇，不過，唐唐個樣就搞笑啲。
咁有乜解救嘅妙法呢？就係要分工細啲、多幾個局，同時畀局長請多兩個政治任命嘅助理部長幫輕吓。你估班尊貴議員肯唔肯呢？
（圖）林瑞麟負責檢討問責制，但又唔肯面對問題，玩死一班局長。
傳真︰2623-9278
電郵︰