李淑儀雖然身為經濟發展及勞工局常任秘書長，掌管航空政策嘅執行工作，但係佢以往絕少參與航空公司接收新機活動，八方近日應國泰航空邀請，去睇佢哋接收新機，李淑儀都有份去，原來今次唔係收機咁簡單，而係港機工程同波音簽約，日後可改裝波音747-400機，省靚公司招牌，算係為港爭光，所以李淑儀專登出席道賀。
八方本來同一眾國泰高層及嘉賓坐新機回港，但點知隻新機有少少瑕疵要修理，為免阻礙貴客行程，國泰馬上安排各人坐其他航班返港，大家亦十分滿意。
（圖）經濟發展及勞工局常秘李淑儀幫國泰收新機，同時賀港機工程同波音合作。
傳真︰2623-9278
電郵︰