兒時親睹嫲嫲一手血留陰影
BoBo切魚生見刀死

日前陳文媛（BoBo）應邀到日本餐廳試食兼炮製壽司，平時會下廚的BoBo，切魚生時，竟顯得雞手鴨腳，原來她的祖母曾被刀切傷，令她留下陰影。

陳文媛日前應新城主持愛菩及周子駒的邀請，到中環一日本餐廳試吃五款特色美食，並跟師傅一同炮製魚生壽司。

整天婦羅失敗
BoBo表示一向都有煮特別小食及甜品給家人品嘗，她自誇最拿手是金菇牛柳卷，不過本身喜歡吃天婦羅的BoBo就自爆未試過成功炮製天婦羅，她說：「我每次整親都失敗，因為要開炸粉係好難，而且一唔留神就好易燶。另外，我煮嘅嘢食都係啲新菜式，所以屋企人好多時都接受唔到，我最渣就係唔識煲湯，所以就做唔成家庭主婦。」

對鏡頭頂硬上
而BoBo為了答謝兩位主持人請她吃日本菜，故炮製壽司給他們品嘗，她一開始十分順利，但當切吞拿魚時，顯得十分騰雞，她說：「我好驚切嘢，見到啲鋒利嘅刀就退避三舍，因為細個嗰時見過嫲嫲俾刀切親，搞到成手都係血，所以就留下陰影，以後每次切嘢都要搵人幫拖。」不過，在鏡頭面前BoBo仍然頂硬上，所以兩位主持人試過BoBo炮製的美食都大讚頂瓜瓜。
採訪、攝影：駱華齡
場地提供：KyotoJoe