電盈營運總監麥柏喬今日將出席亞洲有線與衛星電視廣播協會年會，但八方相信，一眾電訊行家嘅焦點，唔係佢講電訊業發展，反而係佢嘅緋聞。本周一，《南華早報》財經版嘅專欄「利是」踢爆麥柏喬與電盈嘅發言人之一、企業傳訊總監（國際）韋頌恩（JoanWagner）有親密關係，據講好事近㖭，此事已成圈內人近日嘅話題。
不過，消息人士同八方講，若此事屬實，佢哋要進一步發展關係，恐怕要先搞掂現有嘅另一半。順帶一提，八方噚日收到電盈嘅內部刊物《姿訊》，呢期用咗蘇澤光做封面，介紹佢十月十六日親自去電盈敷設光纖電纜現場了解，更親自焊接一條光纖，認真親民。據悉，蘇董事總經理喺地鐵時代已巡慣地鐵商場同工場，所以大家日後見到佢去整電話亭，都不必奇怪。
（圖）小小超愛將麥柏喬（左）今日現身，一定會俾行家追住問佢嘅感情事。
傳真︰2623-9278
電郵︰